點樣用Carousell呢?

Welcome

Hello!

歡迎你加入Carousell呀!我哋好開心你成為我哋嘅一份子!我哋而家就教你點樣賣走或者買你第一樣產品啦!我哋仲有啲Tips俾你,令你更加認識點樣用Carousell!

喺開始之前,我們哋呢度有啲Channels俾你留意住Carousell嘅最新動向,好似定期舉行嘅活動或者新聞咁!依家就Follow我哋啦!

- instagram

- Facebook

如果你想聯絡我哋Carousell團隊,你可以喺Contact Page度搵出嚟應該聯絡邊個部門!另外,Help Page呢度有一啲常見問題嘅答案!希望解答到你嘅疑問啦!

Have fun and happy Carouselling!

How It Works

賣走你不再需要嘅嘢

喺Carousell將你唔再需要嘅嘢賣比有需要嘅用戶!屋企多D空間之餘仲可以搵到錢!

用低價買你需要嘅嘢

唔駛喺百貨公司洗大錢,係屋企坐定定用Carousell就可以用低好多嘅價錢買到一樣嘅野!而且仲可以減少浪費環保D添!

個個都可以輕鬆買賣

輕鬆成為買賣家!就好似我同你咁,只要喺Carousell chat chat 就完成買賣!唔洗再用購物車或者排隊俾錢!

貼心支援客服團隊

需要幫手?Carousell嘅支援團隊就喺度解答你棘手嘅問題!依家就e-mail us at support.hk@carousell.com 啦!

安裝Carousell

Carousell ,一個喺iOS 同 Android 都可以用嘅免費App!只需要幾分鐘,就可以開始使用架啦!

有兩種方式可以下載 Carousell:

1. 如果你用緊手機睇呢篇嘢,只要㩒呢度就可以開始下載架啦!

2. 喺手機㩒去 App Store或者Google Play商店 ,Search「Carousell 」,跟住㩒「Install / 安裝」。

開啟Carousell Account

如果你已經有Carousell Account,咁你可以跳過呢一步!直接用你嘅Account名同密碼登入就可以開始買賣架啦!

係第一次開Carousell App既時候,你會見到註冊或者用Facebook,Email 或者Google+(Android手機),你可以選擇用呢幾種方法開啟你既account。

如果你用Facebook或者Google+,只需要一個步驟就完成架啦。只要一開始登入你既Facebook或者Google+ account再批准就可以架啦!咁你既Carousell account就會link左去你Facebook或者Google+既email度,如果你唔想既話,就用Email註冊啦!

係輸入資料既時候,你可以用自己鐘意既username同密碼,輸入所有資料之後㩒“註冊”,你既account就成功註冊架啦!然後就會自動係你手機登入Carousell架啦!

呢個時候,請你開返註冊用既email,click返驗證既code去激活

你既account。咁你就可以正式用Carousell進行交易啦!(注意:一定要激活左先可以交易架!如果有呢方面既問題,請聯絡我地)

係開始交易之前,不如花少少時間填下個人資料啊!等其他users知道更多關於你賣既野同了解你多D!例如可以加張icon比人認識你啊!

開始交易

屋企有野想賣?試下放係Carousell度賣啦!

首先,你要確定你要賣既野符合Carousell既規則!基本上大部分物品都可以賣,但基於衛生同安全理由,有D貨品係唔賣得架!如果你想知道有咩物品係違規,㩒呢度啦!

如果你係Android手機用戶,你可以click右上角既Sell,而Ios用戶就click下面既Sell去開始賣野,click入去之後就用自動開左相機。咁你就可以影你想賣既野上去賣啦!

你都可以用Carousell既相機去為你既相加effect,例如調色同光暗等等。完成左之後click右上角既done就可以啦!

一件物品最多可以影4張相,所以要好好運用啊!可以由既唔同角度同距離去影,又或者影下物品既細節架!

然後就係選擇分類,填寫物品名稱同埋價格啦!如果你想補充既話,可以係下面填寫更多資料,唔寫亦冇問題架!

係Submit之前,你可以選擇share去Facebook,twitter或者Instagram。咁樣可以令更多人留意到你既products,令佢可以更易賣出去架!

然後,click完成之後你既物品就放左上去賣架啦!

使用IG importer

呢個功能只適用於想係Ig shop轉相去Carousell既users,如果你冇igshop就可以skip左呢個step架啦!

呢個功能幫你係5分鐘內由Instagram轉相去Carousell,唔洗重新upload D相,慳左好多時間架!

首先,click呢度進入ig importer(手機同電腦都得架!)你可以睇下係點樣進行,亦了解到佢既好處。(?)

係開始之前,你可以預覽由IG轉相黎Carousell之後既效果,只要輸入IG既username然後clickPreview就可以啦!

然後,就睇下效果啦!

當你準備好轉D相去Carousell既時候,係上面或者下面click"Start Instagram Import"(綠色制),然後你就可以選擇開一個新既Carousell account或者登入原本既account。

註冊或者登入左Carousell account之後,click"Connect to Instagram"

你可以選擇要轉邊D相去Carousell或者選擇"Import recent 20 photos"去批量選擇。當你選擇完就click"Import photos"啦!

唔洗擔心冇得自己打資料架,係下一頁你就可以自己打title同價錢,選擇分類同埋介紹。就好似平時用Carousell一樣。當你完成之後,就click"Post listings to Carousell"啦!

如果你post完之後想編輯,你可以用Carousell黎改架!

宣傳自己

利用email或者社交網站都係好好既方法去分享自己既products,可以擴大你既圈子,令更多人睇到你既野,令佢地更加容易賣出!

如果你唔係賣家,都可以share D好野比朋友睇架!

宣傳Profile

要share你既profile,首先要係最底個行click''你'',然後Android用戶可以係中間既menu禁Promote。而IOS用戶可以禁左上角既Promote!

然後系統就會自動生成一個宣傳既圖片,你可以選擇share去Facebook,Twitter或者Instagram。又或者同時share上三個社交網站。選擇好之後就可以禁下面"Promote"既制就完成啦!

宣傳商品

要share你既物品,係最底個行click"你",然後你會見到自己post過既野。跟住係你想宣傳既商品既右下角個一個符號度,再click"宣傳刊登項目"。之後你可以選擇share去Facebook,Twitter或者Instagram。又或者同時share上三個社交網站。選擇好之後就可以禁下面"Promote"既制就完成啦!

Click入物品之後都可以Promote架!只要禁"more",就會見到"宣傳刊登項目",同上面一樣,可以選擇share去Facebook,Twitter或者Instagram。又或者同時share上三個社交網站。選擇好之後就可以禁下面"Promote"既制就完成啦!

宣傳其他人既商品

你唔只可以宣傳自己,仲可以幫人宣傳架!都係一樣,係你想宣傳既商品既右下角個一個符號度,再click"宣傳刊登項目"。之後你可以選擇share去Facebook,Twitter或者Instagram。又或者同時share上三個社交網站。選擇好之後就可以禁下面"Promote"既制就完成啦!

Chat to Buy功能

Carousell既Chat to Buy功能令你可以交易得更方便!你可以透過佢同用戶溝通。例如問資料,確定交易,影相等等。唔洗用其他apps或者用email咁麻煩!

禁入你有興趣既野之後,係下面會有Chat to buy同出價呢個制,係出價前,你可以同賣家對話。

然後就開始對話啦!

禁右面既相機符號仲可以影相架!

你可以選擇即時用相機影或者用相簿既相架!

你隨時都可以睇到有冇人聯絡你架!右上角既信箱符號格離會有數字,就姐係有幾多人搵你!

根據相關既物品去對話就得架啦!仲可以選擇買野,賣野或者全部去篩選messages。

如果想封存對話,只要係個個chat度拉去左面再禁"封存"就可以架啦!

如果想回復封存左既對話,都係一樣,只要係個個chat度拉去左面再禁"Move to Inbox"就可以架啦!

開價,接受同拒絕Offer

你識得用chat呢個功能既時候,就可以同買家或者賣家傾好內容!然後你可以click "Make an offer",

你可以自己定一個合理既價錢。

禁入去之後,你禁個價錢就可以改,然後禁右上角既制就OK啦!

出價前記得肯定左先啊!如果要改既話要寫原因架!

賣家可以選擇接受或者拒絕出價。

如果真係要再出價,可以叫賣家拒絕出價,再出價多一次架!

賣家可以係拒絕出價之後封存對話,買家如果後悔或者因為賣家冇反應都可以取消出價架!

如果你想接受買家既出價,禁Accept offer就得啦!

如果已經賣出左,記得係貨品既右上角禁編輯,拉落去禁Sold啊!

咁就可以避免有人再出價,而賣出左既貨物唔會消失架!

完成第一單交易

yeahhh!搵到個合適既買家啦!跟住要點呢?

比錢

首先,你地要傾好點樣交易。因為Carousell暫時仲未有內置既比錢功能,所以要另外進行呢一個部分。只要搵到最方便雙方既方法就得啦!由你地決定!呢D係最常見既方法。

-轉帳

-入數

-Paypal

-面交

選擇點樣比錢之前,記住要選擇可靠既服務啊!咁就可以保障到雙方啦!最好等交易確定左先比錢。另外,賣家亦記得提醒買家keep recipt留返個紀錄!

運送

比左錢之後,就要決定點樣送件貨比買家啦!都係雙方自己決定架!

如果你係賣家,記得比買家知道運費。同埋收左錢先好寄啊!

如果真係不幸有咩意外,例如寄失左等等,可以係完成交易前傾好點樣解決先去保障大家。我地建議雙方攤分一半既費用。

如果中途真係出現問題,Carousell既團隊好樂意協助大家架!歡迎同我地講有咩問題,一齊去解決。

面交

如果大家既地點都方便交收,面交係好好既選擇!可以慳左時間同運費。

如果你係願意面交既賣家,記住係post野之前填寫你方便交收既地點啊!

如果你係買家,都記得留意賣家願意係咩地方交收啊!

雖然大部分Carousell既用家都好友善,但係同唔識既人見面都要提高警覺啊!

留低評價

完成整個交易之後,你可以為買家或者賣家留低評價。令其他users知道你地既交易體驗!

係寫評價之前,記得確定賣家已經accept offer啊!accept offer之後先可以寫評價架!咁樣係因為要確保內容既真實性。

要為對方寫評價,首先你要click入對話,然後你會見到有個藍色制係上面。呢個制要accept左offer先會有架!click入去之後,就會有份feedback form架啦!

入左張feedback form之後,你要選擇positive,netural,或者negative。然後係下面寫返關於評價既理由,記得要客觀啊!咁先可以幫助到對方。

click對方profile既feedback bar都可以進入對方既feedback form留低評價架!

係對方既feedback page度click右上角既"+"符號就可以啦!

然後就可以開始留言啦!

下一步!

你已經熟悉左點樣用Carousell啦!以下呢幾樣可能付你更加了解呢個apps架!

-follow我地既社交平台,了解最新資訊。

如果有咩問題或者需要幫助,可以去常見問題睇下幫唔幫到你!搵我地既admin都可以幫到你架!


多謝你加入Carousell啊!Have fun and happy Carouselling!

Still need help? Contact Us Contact Us